Mbulamatari ya Congo esakoli bobandi ya misala ya botomboli écologie mpe tourisme na baie ya Ngaliema le 5 juin, mokolo ya molongo mpo na zinga zinga, kolanda procès-verbal ya 45e Conseil des ministres, oyo batunaki samedi.
"Ministe ya zinga zinga, na boyokani na Utex Africa na nzela ya ebongiseli na yango oyo ezali koluka litomba te Bilembo, ezali kokana molongo ya botomboli bisika ya vert naturelle, mingi mpenza oyo ezali na baie ya Ngaliema mpo na esika ya mobembo. Misala ya kominanola mpe ya bopemi mpo na bolamu ya bato oyo bazangi bisika ya vert ezali kosalama, mpe bobandi yango esengelaki kosalema le 5 juin na baie ya Ngaliema, mokolo ya zinga zinga ya mokili mobimba," esakoli ministre ya Eve ya l’Etat Bazaiba, oyo etángamaki na mokanda yango. Ministre ya Environnement akundoli ete na 2017, contrat esalamaki kati na gouvernement ya Congo na société Utex-africa mpo na développement, entretien, nettoyage, mpe préservation ya flore mpe faune, mpe lisusu développement ya agriculture urbaine mpe jardinage ya marché na esika oyo na ba périodes ya mayi ya nse, na tina ya kobatela écosystème ya baie ya Ngaliema.
"Bozongisi banzete na bisika ya bingumba ezali moko na misala miye mizali kolendisama mbala na mbala mpo na kokitisa mbano ya mbongwana ya tango, mingi mingi mpo na kobundisa phénomène ya ba mbonge ya molunge ya bingumba oyo ezali se kobeba, kasi mpe mpo na kokela ba parcs ya kominanola mpe bisika ya kobenda likebi ya ba touristes," elobi ministre ya zinga zinga.
Baie ya Ngaliema ezali na rive gauche ya ebale Congo, nord-ouest ya ville ya Kinshasa, na commune ya Kintambo. Ezalaki awa nde Henry Morton Stanley aponaki kosala poste ya commerce na 1879, ko permettre ye a explorer bassin ya Congo mobimba.
Baie yango ezalaki libongo ya liboso ya engumba yango, mpe mabongo na yango eyambaki bato ya liboso oyo bato ya Mpoto bafandaki na eleko ya bokonzi ya bakolonia. Baie oyo ezui kombo na yango na mokonzi ya kabila moko ya mboka, Ngaliema Insi, oyo Stanley azalaki kosala mombongo na ye.
Acp / MCP, mediacongo.net na nzela ya IMCongo
